[p. 6 / fol. 3r.]
[ No rubrication, line break, or other mark indicates the transition from verse to prose.]

Saturnus cwæð ac hu moniges bleos bið ðæt deofol  se pater • noster • ðonne hie betwih him gewinnað •
Saloman cwæð ðritiges bleos •

Saturnus cwæð hwæt sindon ða ærestan •
Saloman cwæð ðæt deofol bið ærest on geogoð hade on cildes onlicnisse ðonne bið se pater noster • on haliges gastes onlicnisse • ðriddan siðe bið ðæt deofol on dracan onlicnisse • Feorðan siðe bið se pater noster on stræles onlicnisse ðe brahhia dī hatte  Fiftan siðe bið ðæt deofol on ðystres onlicnisse  Sixtan siðe bið se pater noster on leohtes onlicnisse  Seofoðan siðe bið ðonne ðæt deofol [p. 7 / fol. 4v] on wildeores onlicnisse  Eahteoðan siðe bið se pater noster on ðæs hwales onlicnisse ðe leuiathan hatte  Nygoðan siðe bið ðæt deofol on atoles swefnes onlicnisse • Teoðan siðe bið ðonne ðæt pater noster on heofonlicre gesihðe onlicnesse  Enleftan siðe bið ðæt deofol on ylfes wifes onlicnesse  Twelftan siðe bið se pater noster on heofonlicre byrnan onlicnisse  Ðreoteoðan siðe bið ðæt deoful on sweordes onlicnesse  Feowerteoðan siðe bið se pater noster on gyldenre byrnan onlicnisse  Fifteoðan siðe bið ðæt deofol on bremles onlicnisse. Sixteoðan siðe bið se pater noster on seolfrenes earnes onlicnesse  Seofonteoðan siðe bið ðonne ðæt deofol on sleges onlicnisse • Eahteoðan siðe bið se pater noster • on seolfrenes earnes onlicnesse  Niogonteoðan siðe bið ðæt deofol on fylles onlicnisse  xx • siðe bið pater noster on cristes onlicnesse  On xxi • siðe bið ðæt deofol on ætrenes fugeles onlicnisse / On xxii • siða • bið ðæt pater noster on gyldenes earnes onlicnisse / on xxiii • siða bið ðæt deofol on wulfes onlicnisse  on xxiiii siða bið se pater noster • on gyldenre racenteage onlicnisse  on xxv • siða bið ðæt deofol on wrohte onlicnisse  on xxvi • siða bið se pater noster on [p. 8 / fol. 4r] sybbe onlicnisse  On xxvii • siða bið ðæt deofol on yfeles geðohtes onlicnes •on xxviii • siða bið se pater noster on arfæstes gastes onlicnesse  on xxviiii siða bið deoplicor gehwyrfeð ðæt deafol on deaðes onlicnesse 

Saloman cwæð domlicor bið ðonne se pater noster gehwyrfeð on dryhtnes onlicnesse /
Saturnus cwæð, ac hwa aspyreð ðæt deofol of hefones holte  hine gebringeð on ðara cristes cempena fæðmum ðe ðus hatton • cherubii  seraphin

[Saloman cwæð] uriel  rumiel 

Saturnus cwæð ac hwa scotað ðæt deofol mid weallendum strælum •
Salomon cwæð se pater noster scotað ðæt deofol mid weallendum strælum  seo liget heo burneð  tacnað  se regn hit ufan wyrdeð  on genipum hit dweliað  se ðunor hit ðrysceð mid ðære fyrenan æcxe  hit drifeð to ðære irenan ræccenteage ðe his fæder on eardað satan  sathiel  ðonne ðæt deofol swiðe wergað hit seceð scyldiges mannes nieten oððe unclæne treow oððe gif hit meteð ungesenodes mannes muð  lichoman  hit ðonne • on forgietenan mannes innelfe gewiteð  ðurh his fell  ðurh his flæsc on ða eorðan gewiteð  ðanon helle westen ge spyrreð 

Saturnus cwæð ac hulic heafod hafað se pater noster

[p. 9 / fol. 5v] Salomon cwæð pater noster hafað gylden heafod  sylfren feax  ðeah ðe ealle eorðan wæter sien gemenged wið ðam heofonlicum wætrum uppe on ane ædran  hit samlice rinan onginne eall middangerd mid eallum his gesceaftum • He mæg under ðæs pater nosters feaxe anum locce drige gestandan  his eagan sindon • xii • ðusendum siða beorhtran ðonne ealles middangeardes eorðe ðeah ðe hio sie mid ðære beorhtestan lilian blostmum of bræded  æghwylc blostman leaf hæbbe • xii • sunnan  æghwylc blostma hæbbe • xii • monan  æghwylc mona sie sinderlice • xii • ðusendum siða beorhtra ðonne he ieo wæs ær abeles slege 

Saturnus cwæð, ac hulic is ðæs pater nosters seo wlitige heorte
Saloman cwæð his heorte is • xii • ðusendum siða beorhtre ðonne ealle ðas seofon heofonas ðe us syndon ofergesette ðeah ðe hie sien ealle mid ði domescan fyre onæled  ðeah ðe eall ðeos eorðe him neoðan togegnes byrne  heo hæbbe fyrene tungan  gyldene hracan  leohtne muð inne weardne  ðeah ðe eall middan geard sie fram adames frymðe edniowe gewurden  anra gehwelc hæbbe ða xii • snyttro habrahames  isaaces  iacobes  anra gehwylc mote lifigan ðreo hund wintra ne magon [p. 10 / fol. 5r] hie ðære tungan gerecnesse ne hire mægnes swiðmodnisse aspyrian • Ond his earmas siendon • xii • ðusendum siða lengran ðonne ealles middangeardes eorðe • oððe beamas ðeah ðe hie sien mid ðy beorhtestan wyrhtan folmum tosomne gefeged  anra gehwylc ende sie fram oðrum to ðam midle mid ðy galliscan seolfre oferworht  mid ðam neorxnawonges comp gimmum astæned •  his handa twa hie sint bradran ðonne • xii • middan geardas ðeah hie sien ealle tosomne gesette  Ond se halga cantic he hafað gyldene fingras  ðara isanra •gehwylc synderlice • ðritigum ðusendum dæla lengran ðonne eall middangeard oððe eorðe •  on ðæs pater nosters ðære swiðran hande is gyldennes sweordes onlicnis ðæt is eallum oðrum wæpnum ungelic his leoma • he is hlutra  beorhtra ðonne ealra heofona tungol oððe on ealre eorðan sien goldes  seolfres frætwednessa  fægernessa  ðæs dryhtenlican wæpnes seo swiðre ecglast . he is mildra  gemetfæstra ðonne ealles middangeardes swetnissa oððe his stencas  Ond seo wynstre ecglast ðæs ilcan wæpnes he is reðra  sceappra ðonne eall middangeard ðeah he sie binnan his feower hwommum full gedrifen wildeora •  anra gehwylc deor hæbbe synderlice •xii • hornas ierene  anra gehwylc [p. 11 / fol. 6v]horn hæbbe • xii • tindas ierene  anra gehwylc tind hæbbe synderlice • xii • ordas  anra gehwilc sie • xii • ðusendum siða sceappre ðonne seo an flan ðe sie fram hund twelftigum hyrdenna geond hyrded Ond ðeahðe seofon middangeardas sien ealla onefen abrædde on ðeoses anes onlicnisse  ðær sie eall gesomnod ðætte heofon oððe hell oððe eorðe æfre acende ne magon hie ða lifes linan onmiddan ymbfæðman  Ond se pater noster he mæg ana ealla gesceafta on his ðære swiðran hand on anes weaxæples onlicnisse geðyn  gewringan  Ond his geðoht he is spryngdra •  swyftra ðonne • xii • ðusendu haligra gæsta ðeah ðe anra gehwylc gæst hæbbe synderlice • xii • feðerhoman  anra gehwylc feðerhoma hæbbe • xii • windas  anra gehwylc wind twelf sigefæstnissa synderlice  Ond his stefen heo is hludre ðonne eall manncynn oððe eall wildeora cynn ðeah ðe hie sien ealle on ðone munt gesomnod ðe sie in ðære lengðo  seo line ðe wile xxxiiitigum siða • ealle eorðan ymbehwyrft utan ymb licggan  Ond ðeah ðe ðær on gesomnod sie eall ðætte heofon oððe hell oððe eorðe æfre acende  anra gehwylc ge ðara cweðendra ge ðara uncweðendra [p. 12 / fol. 6r] hæbbe gyldene byman on muðe  eallra • bymena gehwylc hæbbe • xii • hleoðor • hleoðra gehwylc sie heofonne hearre  helle deopre ðonne gena ðæs halgan cantices se gyldena organ he hie ealle ofer hleoðrað  ealle ða oðra he adyfeð 

Saturnus cwæð ac hulic is ðæs pater noster
[Saloman cwæð] hafað gyldene fonan  seo fane is mid • xii • godwebban utan ymb hangen  anra gehwylc godweb hangað on hundtwelftigum hringa gyldenra  Ond ðæt æreste godweb is haten aurum celæstium ðam ðiostro ne magon • cxxtigum mila • neah gehleonian • ðonne nemnað englas ðæt æftere godweb spiritum paraclitum in ðam godwebcynne bið sanctus mihhael gescyrped on domesdæg ðonne nemnað englas ðæt ðridde godwebb pastoralices ðæt godwebb wæs on ðæs godwebbes onlicnisse ðe ieo ymb mines fæder dauides columban hangode on ðeosum ilcan temple  ðonne is ðæt feorðe godwebb haten solacitum ðæt godweb wæs on ðæs godwebbes onlicnisse ðe geo abimelech se goda • cining brohte criste to lacum  to ansægdnesse • ðonne is ðæt fifte godwebb haten uita perpetua ðæt godwebb is ðonne ðære halgan ðrinisse  ðonne is ðæt syxte godwebb hate sacrificium dium ðæt is ðonne on eallra deora onlicnisse  ðonne is ðæt seofoðe….

[a leaf has been cut out of the manuscript here so that text breaks off at the bottom of the page. The page following the missing page begins with a poetic fragment; a few lines down the page is the clearly rubricated beginning of another poem]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: