Saturnus cwæð

1               hwæt Ic iglanda eallra hæbbe

2               boca onbyrged þurh gebregd stafas

3               larcræftas onlocen libia  greca ·

4               Swylce eac istariam indea rices

5               me þa treahteras tala wisedon

6               on þam micelan bec … mæces heardum ·

7               Swylce ic næfre on eallum þam fyrngewrytum findan ne mihte

8               soðe samode ic sohte þa git

9               hwylc wære modes oððe mægenþrymmes

10           elnes oððe æhte eorlscipes

11           se gepalmtwigoda pater noster

12           Wille ic þe ealle sunu dauides

13           þeoden israela · xxx · punda

14           smætes goldes  mine suna twelfe ·

15           gif þu mec gebringest þæt ic si gebrydded

16           ðurh þæs cantices cwide cristes lina gesemesð

17           mec mid soðe  ic mec gesund farende

18           mec on willan on wæteres hrigc

19           ofer coferflod caldeas secan·

Salomon cwæð

20           unlæde bið on eorþan unit lifes

21           wesðe wisdomes weallað swa nieten

22           feld gongende feoh butan gewitte ·

23           Se burh ðone cantic ne can crist geherian ·

24           warað windes full worpað hine deofol

25           on dom dæge draca egeslice

26           bismorlice of blacere liðran

27           irenum aplum ealle beoð aweaxen

28           of edwittes iða heafdum ·

29           þonne him bið leofre ðone eall ðeos leohte gesceaft

30           gegoten fram ðam grunde goldes seolfres

31           feðersceatum full feohgestreona

32           gif he æfre ðæs organes owiht cuðe˚                                          not in CCCC 41

33           fracod he bið ðonne  fremede frean

34           ælmigtigum englum ungelic˚ ana hwearfað                                ungesibb

Saturnus cwæð

35           ac hwa mæg eaðost ealra geseafta

36           ða halgan duru heofona rices

37           torhte on tynan onge tales rime   

Salomon cwæð

38           ðæt gepalmtwigede þat­er noster

39           heofonas ontyneð halige geblissað

40           metod gemiltsað morðor gesylleð˚                                            gefylleð

41           adwæsceð deofles fyr dryhtnes onæleð

42           swylce ðu miht mid ðy beorhtan gebede blod onhætan

43           ðæs deofles dreo˚ ðæt him dropan sagað˚                                 dry / stigað

44           swate geswiðed seofan intigum

45           eges fullicran ðonne seo ærene gripu

46           ðonne heo˚ for · xi · fyra  tydernessum                                    not in CCCC 41

47           ofer gleda gripe gifrust wealleð

48           forðon hafað se cantic ofer ealle cristes bec

49           widmærost word he gewritu læreð

50           stefnum steoreð˚   him stede                                                  stereð

51           healdeð heofona rices heregeatwa wiged ·

Saturnus cwæð

52           ac hulic is se organ in gemyndum

53           to begonganne ðam ðe his gast wile

54           meltan wið morðre mergan of sorge

55           asceadon ˚ scyldigum huru him scippend geaf                           of

56           wuldorlicne wlite mec ðæs on worolde

57           full oft fyrwit frineð fus gewiteð

58           mod gemengeð˚nig manna wat                                             geond mengeð

59           hæleð [p. 3 / fol. 2v] under hefenum hu min hige dreoseð

60           bysig æfter bocum hwilum me bryne stigeð

61           hige heortan neah˚ hædre wealleð .                                           not in CCCC 41

Salomon cwæð

62           gylden is se godes cwide gimmum astæned

63           hafað sylfren leaf˚ sundor mæg æghwylc                                    not in CCCC 41

64           ðurh gastes gife godspel secgan˚                                                godspellian

65           he bið seofan snytro   saule hunig

66           ˚                                                                                                 modes mealc mearþa gesælgost

67           he mæg ða saule ofsien nihte˚                                                   of synnihte

68           gefeccan˚ under foldan næfre hie se feond to ðæs niðer           gefetian

69           feterum gefæstnað ðeah he hie mid fiftigum

70           clusum beclemme he ðone cræft briceð

71            ða orðancas ealle tosliteð.

72           Hungor he ahieðeð˚ helle gestrudeð                                         genege hideð

73           wylm to weorpeð wuldor getimbreð

74           he is modigra middangearde

75           staðole ˚ strengra ðonne ealra stana gripe                                   he is

76           lamena he is læce leoht wincendra

77           swilce he is deafra duru dumbra˚ · tunge                                   deadre

78           scyldigra · scyld scyppendes seld

79           flodes ferigend folces nerigend

80           yða yrfe weard earmra fisca

81            wyrma hwelm˚ wildeore holt                                                  wlenco

82           on˚ westænne weard weorð mynta · geard                                 not in CCCC 41

83             se ðe wile geornlice ðone godes cwide

84           singan soðlice˚   hine siemle wile lufian                                   smealice

85           butan leahtrum he mæg ðone laðan gæst˚                                 gesið

86           feohtende feond fleonde gebrengan

87           gif ðu him ærest on ufan ierne˚ gebrengest .                             yoru

88           prologa prima ðam is ᛈ P · nama ·

89           hafað guðomæga gierde lange

90           gyldene gade   a ðone grymman [p. 4 / fol. 2r] feond

91           swiðmod sweopað   him on swaðe fylgeð ·

92           ᚪ · a · ofermægene   hine eace of slihð

93           · ᛏ · hine teswað   hine on ða tungan sticað

94           wræsteð him ðæt woddor ·   him ða wongan brieceð ·

95           ᛖ · e hiene yflað swa he a wile

96           ealra feonda gehwane fæste gestondan

97           ðonne hiene on unðanc · r · ieorrenga geseceð

98           bocstafa brego bregdeð sona

99           feond be ðam feaxe læteð flint brecan

100       scines sconcan he ne besceawað no

101       his leomona lið ne bið him læce god

102       wendeð he hiene ðonne under wolcnum wigsteall seceð

103       heolstre behelmed huru him bið æt heartan wa ·

104       ðonne ?e hangiende helle wisceð

105       ðæs engestan eðelrices

106       ðonne hine forcinnað ða cirican getuinnas ·

107       n · ǀ swiðmod æghwæðer brengeð

108       sweopan ofsiðe sargiað hwile

109       fremdne flæschoman feorh ne bemurneð

110       ðonne · ᛪ · S · cymeð engla · geræswa

111       wuldores stæf wraðne gegrupeð

112       feond be ðam fotum læteð foreweard hleor ·

113       on strangne stan stregdað toðas

114       geond helle heap hydeð hine æghwylc

115       æfter sceades sciman sceada bið gebisigod

116       satanes ðegn swiðe gestilled ·

117       swilce hiene · ᛮ ·    ᚢ · · cwealme gehnægað

118       frome folctogan farað him togegnes

119       habbað leoht speru lange sceaftes

120       swiðmode sweopan swenga ne wyrnað ·

121       [p. 5 / fol. 3v] deorra dynta him bið ðæt deofol lað

122       ðonne hine · ᛚ ·  ·   se yrra · ᚳ ·  ·

123       guðe begyrdað geap stæf wigeð

124       biterne brogan bigað sona

125       helle hæftlig ðæt he on hider gæð ·

126       ðonne hiene · ᚠ ·  ·   ᛗ ·  · utan ymb dringað

127       scyldigne sceaðan habbað scearp speru

128       atole earhfare æled liftað

129       on ðæs feondes feax flana stregdan

130       biterne brogan banan heardlice

131       grimme ongieldað ðæs hie oft gilp brecað ·

132       ðonne hine æt niehstan nearwe stilleð ·

133       ᛟ ·  · se geapa ðone god sendeð

134       freondum on fultum færeð æfter · ᛞ ·  ·

135       fif mængum full fyr bið se ðridda ·

136       stæf stræte neah stille bideð ·

137       H · onetteð engel hine scierpeð

138       cristes cempan on cwicum wædum

139       godes spyrigendes geonges hrægles

140       ðonne hine onlyfte lif getwinnan

141       under tungla getrumum tuigena ordum

142       sweopum seolfrynum swiðe weallað

143       oððæt him ban blicað bledað ædran

144       gartorn geotað gifrum deofle ·

145       Mæg simle se godes cwide gumena gehwylcum

146       ealra feonda gehwane fleondne gebrengan

147       ðurh mannes muð man fulra heap

148       sweartne geswencan · Næfre hie ðæs syllice

149       bleoum bregdað æfter bancofan

150       feðerhoman onfoð hwilum flotan gripað

151       hwilum hie gewendað in wyrmes lic.

152       s??as [p. 6 / fol. 3r]   sticoles stingeð nieten

153       feld gongende feoh gestrideð ·

154       Hwilum he on wætere wicg gehnægeð

155       hornum geheaweð oððæt him heortan blod

156       famig flodes bæð foldan geseceð ·

157       Hwilum ge gefeterað fæges mannes

158       handa gehefegað ðonne he æt hilde sceall

159       wið lað werud lifes tiligan 

160       Awriteð he on his wæpne wællnota heap

161       bealwe bocstafas bill forscrifeð

162       meces mærðo forðon nænig man scile

163       oft orðances ut abredan

164       wæpnes ecgge ðeahðe him se wlite cweme 

165       Ac symle he sceal singan ðonne he his sweord geteo

166       pater noster  ðæt palm treow

167       biddan mid blisse ðæt him bu gife

168       feorh ·   folme ðonne his feond cyme ·

[The beginning of the text is from CCCC 41, p. 196.  Beginning at line 29, the text comes from CCCC 422, beginning on p. 2 / fol. 1r., with variant readings in CCCC 41 noted at right. Text in italics is missing from CCCC 422 and has been filled in from CCCC 41.]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: